Neu Neue Rufnummer: +41 76 320 90 10 Bitte ab sofort diese Nummer verwenden.

Wie chani dir häufe oder e Fröid mache?

Im Garte, öpis technischs, öpis stromerischs, ä Reparatur vome gliebte Grät, bruchsch e Idee... oder hesch öppis, wo scho lang sötti erlediget si?

Mäud di eifach. Mir luege zäme, wieni dir cha hiufe.

Bim Tinu achlopfe... Lueg, wo ni hieufe ↓

Di Häufer usem Seeland, für di

Persönlech mit mirZuverlässigiPapi vo 2 ChingIm Seeland dehei

Das chani für di mache

Da packi gärn mit a:

Persönlechi Hiuf für Gartenpflege, Computer, Reparature, Züglete und Alltag im Berner Seeland. Dis Aliege isch unge nid derbi? Frag mi trotzdäm.

Rund ume Garte

Rase mäie, Hecke schnide, Hochdruckreinigä, Loub zämechehre oder es Böimli mues wäg.

Hiuf afrage →

Sotiere, Ruume u Entsorge

I ruume Chäuer, Estrich, Garage oder Wohnig. Was wäg söu, chunnt richtig wäg.

Hiuf afrage →

Hiuf rund um technischi sache

Hiuf bi Computer, Drucker, Internet, WLAN und Natel. Eifach erklärt, ohni Fachchinesisch.

Hiuf afrage →

Ergänzigsleistige

I hiufe dir, d'Unterlage für Ergänzigsleistige im Kanton Bärn z'ordne und vorzubereite. Hesch AHV u s längt niene häre? De mäud di. Ergänzigsleischtige si er Rächt und nume ja nid kei Scham...

Hiuf afrage →

Chlineri Reparature

I montiere, repariere und erledige chlineri Sache bi dir deheime.

Hiuf afrage →

Züguhieuf

I hiufe bim Trage, ilade, Uslade und Ufstöue oder ou bim dirigiere ofer vorgängige organisiere.

Hiuf afrage →

Öpis Stromerigs

Kei Strom oder öpis geit nümme?

I luege d’Situation a und gränze dr Fähler im Rahmen vo mine fachleche Berechtigunge i. Bewilligungspflichtigi Arbeite a feschte elektrische Installationen füehre ausschliesslech Betriebe oder Fachpersone mit dr erforderleche ESTI-Bewilligung us.

Hiuf afrage →

Bruchsch e Idee u steisch ufem Schluch

Weisch nid witer? Nid verzwifle. Mir lueges zäme a. I bringe Ideä, und hiufe dir, diä nöchste Schritte a ts stosse.

Hiuf afrage →

So eifach geit's

Du mäudisch di.
I packe a.

Verzell mer churz, wo du Hilf bruchsch. Dr Räscht bespreche mir persönlich.

  1. Mäud di

    Lüt a oder schriib mer. Es Föteli seit mängisch meh aus tuusig Wort.

  2. Mir rede drüber

    I säge dir, ob i cha häufe oder nid. Wenn nid, hani meischtens e Idee, wär chönti häufe.

  3. I erledige's

    I chume zum abgmachte Termin und mache d'Arbeit sorgfältig.

Kontakt

Frag eifach dr Tinu

Kontaktformular, , oder — nimm dä Wäg, wo für di am eifachschte isch. I mäude mi persönlich.

Denn bini sicher für di da

Mäntig bis Fritig
08.00–11.30 / 13.30–17.00 Uhr
Samstig
Besprächemer zäme
Sunntig u Fiirtig
Family Time
FormularAfrag erfasse
Wär bisch?

Bitte E-Mail oder Telefonnummere agäh, damit i mi cha mäude.

Um was geit's?
Wenn söu's erledigt si?
Biudli oder PDF

Fotos & PDFs: Du chasch freiwiuig bis zu 3 Dateie mitsände (max. 5 MB pro Datei; JPG, PNG, WebP, HEIC oder PDF). Bitte nume Unterlage mitsände, wo für dini Afrag würklech nötig si. Vermeid unnötigi sensible Date wie Uswiis-, Bank- oder Gesundheitsunterlage. Wenn angeri Persone erkennbar si, muesch du ihres Iverständnis ha. D'Dateie wärde nume zur Bearbeitig vo dinere Afrag bzw. vom mögliche Uftrag verwendet. Meh derzue i dr Datenschutzerklärig.

Was sötti no wüsse

Mit em Absände stellsch du e unverbindlichi Afrag. E Uftrag chunnt erscht zsstang, wenn mir Umfang, Termin und Priis persönlich abgmacht und bestätigt hei.

Dini Agabe und freiwiuig ufgeladeni Biudli u PDF bruchi nume zum bearbeite vo dinere Afrag oder vom mögleche Uftrag. Bitte lad nume Dateie ufe, wo du darfsch verschicke und wo würklech nötig si. Kei unnötige sensible Unterlage mitsände. Erkennbari Persone müesse däm zuegstimmt ha. Meh erfahrsch i dr Datenschutzerklärig.

D'Biudli u PDF wärde nume für dini Afrag verschickt und nid uf dr Websiite gspicheret.

KontaktKontakt abelade